Bankivik UArctic Congress 2026-mut pingaarnertut aningaasaliisuussaaq
Nunani issittuni aningaaserinerup silarsuaani akuugatta isumaqarpugut Kalaallit Nunaanni Savalimmiunilu inuiaqatigiit nungusaataanngitsumik periuseqarnissaannik siuarsaaneq akisussaaqataaffigalugu. Taamaammat UArctic-imi pisussami pingaarnertut aningaasaliisuussaagut. Ataatsimeersuarneq pissaaq Savalimmiuni Tórshavnimi maajip 2026-mi 26-anit 29-anit Tjarnir Arenami. Suleqatigiinnermut atatillugu Kalaallit Nunaannit peqataajartorniat angalanermut aningaasartuutaat akilerumallugit banki aningaasanik tunniussisimavoq.
Aaqqissuussineq Savalimmiut Universitetiannit ingerlanneqassaaq, nunanut allanut inuussutissarsiornermullu naalakkersuisoqarfik Savalimmiunilu imaani ilisimatusarnermut institutti suleqatigalugit.
2026-mi ataatsimeersuarnermi sammisassat danskit naalagaaffiata Issittumi Siunnersuisoqatigiinni siulersuisuunerani sammisassatut pingaartitaanut tulluarsagaapput.
Sammisassat tallimaasut ukuupput:
- Aningaasaqarnikkut piujuartitsilluni ineriartortitsineq nunallu tamalaat akornanni suleqatigiinneq
- Imarpissuit
- Issittumi silap pissusaata allanngoriartornera
- Uumassusillit assigiinngisitaarnerat (biodiversitet)
- Nunat inoqqaavi nunanilu avannarpasissuni inuiaqatigiit
Ima UArctic Congressimut angalanermut legati qinnutigissavat
Kalaallit Nunaanni ilinniartut, tassa ilaatigut Ph. d.-nngorniat kiisalu Early Career Researchers, angalanermut legatinnanniarlutik qinnuteqarsinnaapput. Legati Savalimmiunut UArctic Congressimut peqataajartornermi aningaasartuutinut tapiissutissiaavoq, angalanermut aningaasartuutit tamakkiisumik ilaannakortumilluunniit matussuserneqarsinnaapput. Ataatsimeersuarnermi saqqummiisussat legatinnannissamut salliunneqartassapput, peqataasussalli allat aamma qinnuteqarsinnaapput. Soqutiginnikkuit uunga allagaqarsinnaavutit: uarcticcongress@setur.fo, allakkuillu allakkat qulequtaasaani ”scholarship” allallugu.Uani paasisaqarnerusinnaavutit.
https://www.uarcticcongress.fo