Kingornussassat testamentelu

Ullutsinni Nunatsinni ilaqutareeriaatsit amerlaqaat. Assersuutigalugu aappariit immikkut meeraqarlutillu peqatigiillutik meerallit katissimanatik inooqatigiittut, taamaammallu katissimasut inatsisitigut atugarisaannik atugaqartitaanngitsut.

Taamaammat kingornussinissamut tunngasut imaannaanngeqaat - ingammik ilaquttasi katitigaappata, imaluunniit ilaqutariinnersi allanngussappat. Soorlu assersuutigalugu meerartaaruit, katikkuit, aapparisallu najulerussi, imaluunniit avikkussi.

Inatsisit malillugit kingornussinissamut atugassarititaasut malinnagit kingornussititsinissat allatut aaqqissuunniarukku testamenteliortariaqassaatit.